1. 唔准同任何15歲以上35歲以下無血緣關係既女性單獨外出或者傾超過5分鐘電話。
3. 我唔會check你既來電顯示，但係你最好唔好俾我聽到你同不明來歷既女人講電話。
4. 你個電話裡面只可以有兩個女人既相，你媽媽同我。
6. 我明白每個人都有過去，你會有舊情人既相呀信呀禮物呀，但係唔好o係我面前飄揚，有咩爛左唔好怪我。
8. 每日起碼要打一次電話俾我，因為我會掛心你。
9. 你要俾我知你每日去左邊，我唔係要check你行蹤，只係如果新聞話有三名行山人士失蹤，我要知道係唔係你。
10. 我地未必可以一生一世，但希望你同我一齊既時候，每一刻都對我認真。
12. 你心裡面諗d咩，一定要同我講，因為我好蠢，你唔同我直接講我唔會知道。
14. 我鍾意男朋友買香水俾我。
15. 我希望你會記得一切既大時大節生日同紀念日，我唔會提，亦會扮大方，但唔代表我想你失憶。
16. 男子以才為貌，但係都要乾乾淨淨。
19. 唔准對我講大話。
20. 唔准一腳踏兩船(或以上)。
22. 出街一定要拖實我，因為我會蕩失路。
30. 鑽石同珍珠，我永遠都唔會嫌多。
32. 我唔會問你我靚唔靚 (因為我知道我唔靚)，你最好諗定第二樣o黎讚我。
34. 我知道你冇可能每秒鐘都掛住我，但係如果你全日都冇諗起我，我會好驚。
36. 如果你郁手打我，我一定會走。
40. 我好樂意同你行你鍾意既舖頭，你唔需要怕我悶，我會自得其樂。
42. 唔好批評我既朋友，因為我同佢地共過患難，唔係酒肉朋友。
46. 我鍾意食魚蛋河，但係如果大時大節紀念日生日時都係食魚蛋河，我會發火。
47. 我喊既時候，你一定要‘乙水’我，因為我只會o係好傷心好傷心既時候先喊。
48. 你打機既時候，我會自己搵野做，你唔需要擔心，最好你教我打埋一份。
50. 如果你冇開口講，我都為你去改變，代表我真心鍾意你，請你珍惜我。
56. 我會希望你將我介紹俾你既朋友識。
58. 因為我有一d唔係太開心既過去，對人好冇安全感。所以請你用用行動話俾我知你對我係認真既，你唔係玩玩下。
63. 我想睇日出。
69. 絕對唔可以check我既ICQ、MSN同SMS。
71. 你煮飯俾我食，就算只係一碗餐蛋麵，我都會開心過食Rougie鵝肝
73. 我好有興趣知你既戀愛史，最好由頭到尾同我講一次。
74. 因為愛你，我會珍惜自己，要自己身體健康，叫自己開開心心，你都係。
75. 如果有一日，我地分左手，我都希望可以繼續做朋友。
77. 我最憎人唔信我。
78. 如果你愛我，你唔會捨得要我傷心。
79. 我都鍾意行山，不過你可唔可以搵d易行d既路線俾我。
80. 一個男人對女人最大既尊重係向佢求婚，其次係帶佢返去同父母食飯。
84. 我希望你間唔中都會俾比d小驚喜我，係「小驚喜」，唔係「大驚喜」。
85. 你講過，而我又應承過既，我一定會做。
86. 唔好熄電話，萬一半夜我要去急症室我會想你陪我。
91. 如果有人追你，記得同我講，我會用掃把掃走佢。
92. 好遺憾我冇機會細細個就識得你，所以宜家請你俾多d時間我，俾機會我去了解你。
94. 你唔開心既時候我會靜靜行開俾時間空間你冷靜，但過後我會想你打返個電話俾我，因為我關心你。
97. 你要記得間中同我講「I love you」，否則我會以為你唔再愛我。
Login
Register
FAQ
Search
